Lost in London
HONG KONG Airport Heathrow Airport TRAINS TO CENTRAL LONDON UNDERGROUND UNDERGROUND MAP KINGSCROSS KINGSCROSS
回當初為什麼會想放下香港的一切向倫敦出發， 其實就是追尋自己夢想，嘗試找回失去了的自己。 謝謝日本藉的好朋友鼓勵及訓練了獨立自主精神給我、令我踏上這個一個人的旅程前也有準備。 認識了日本人後真的非常佩服他們的自主精神、有機會下次再同大家分享。 表面女強人的我其實從來未試過一個人出走，以往一定有拍擋及朋友們同行，估唔到第一次就坐上11 小時走到世界另一邊。事實證明無野係克服唔到，飛機上睇三套戲加小睡片刻， 我終於安全到達倫敦的Heathrow 機場。 倫敦有幾個機場、最繁忙的機場是 London Heathrow (LHR) 而另一個比較主要的機場是 London Gatwick (LGW) 另外仲有三個機場分別係 London City (LCY)、 London Luton (LTN)同 London Stansted 。 每個機場都有佢嘅特點， 如果計劃由倫敦再轉飛往其他國家時便可以多加注意由那一個 機場出發比較經濟及方便了。 由機場到市中心其實非常方便， "Trains To Central London " 只要沿路行就可以直達Terminal 1 Underground , 亦即係香港地鐵站，同機鐵一樣，Underground 本地人亦稱為Tube station 。 係倫敦坐Tube ,最重要嘅一件事係睇指示牌！非常重要、因為同香港唔同嘅係同一條鐵路軌係可以去不同目的地的地下鐵、我就試過因為坐錯車浪費不少時間、所以一定要專心一啲。 倫敦將地區分為Zone 1-5同 Outside London 。Tube station 有不同顏色嘅線連接Zone 1-5 ，當中有Underground 亦有Overground 。 要注意一點係underground係完全收不到網路訊號的、所以要同朋友溝通緊記進入閘前就要發訊息喇。 我幸運地好朋友介紹了住進KingsCross , 亦係大家稱為Central London 嘅倫敦市中心入住Apartment . 經過一個半小時嘅鐵路路程， 我終於到達我倫敦的家。 由我家走到Kings cross 的鐵路站只需要5 分鐘、深深吸一口倫敦的空氣、我覺得感覺好夢幻、既陌生又興奮、我的倫敦奇幻旅程就這樣開始喇。
留言